Diogelu Oedolion

Mae diogelu oedolion yn ymwneud ag amddiffyn oedolion a allai fod mewn perygl o niwed er mwyn eu hatal nhw rhag dioddef camdriniaeth neu esgeulustod. Gall cam-drin ddigwydd yn unrhyw le a gall fod yn fwriadol ac yn anfwriadol. Busnes pawb yw diogelu oedolion ac mae'n cynnwys mesurau i atal camdriniaeth ac i ddiogelu iechyd, lles a hawliau pobl. Mae hefyd yn cynnwys galluogi oedolion i fyw yn rhydd o niwed, camdriniaeth ac esgeulustod.

Beth yw Cam-drin?

Cam-drin yw pan fydd unrhyw unigolyn neu unigolion yn torri ar hawliau dynol a sifil unigolyn arall. Gall y gamdriniaeth amrywio o drin rhywun yn amharchus mewn ffordd sy'n effeithio'n sylweddol ar ansawdd bywyd yr unigolyn, i achosi dioddefaint corfforol gwirioneddol

Pwy sydd mewn perygl?

Mae Deddf Gwasanaethau Cymdeithasol a Lles (Cymru) 2014 yn nodi bod "oedolyn sydd mewn perygl", yn oedolyn sy'n dioddef cam-drin neu esgeulustod neu sydd mewn perygl ohono, felly angen gofal a chymorth (p'un a yw'r awdurdod yn diwallu unrhyw rhai o'r anghenion hynny ai peidio), ac o ganlyniad i'r anghenion hynny nid yw'n gallu amddiffyn ei hun yn erbyn y cam-drin neu'r esgeulustod neu'r risg ohono

Trefniadau Diogelu rhag Colli Rhyddid a'r Trefniadau Diogeliadau Amddiffyn Rhyddid

Mae Trefniadau Diogelu rhag Colli Rhyddid y Ddeddf Galluedd Meddyliol yn darparu fframwaith cyfreithiol i amddiffyn oedolion agored i niwed, a allai fod yn cael eu hamddifadu o'u rhyddid (neu mewn peryg o hynny) mewn cartref gofal neu ysbyty (a byw â chymorth ers 2014). Yn 2023-25 bydd y fframwaith DoLs presennol yn cael ei ddisodli gan fframwaith cyfreithiol newydd y Trefniadau Diogeliadau Amddiffyn Rhyddid (neu’r LPS). Cyflwynodd Deddf Galluedd Meddyliol (Diwygio) 2019 y Trefniadau Diogelu rhag Colli Rhyddid, a bydd y fframwaith newydd yn amddiffyn unigolion 16+ oed sy'n agored i niwed, mewn ystod ehangach o leoliadau gofal. Hyd nes y daw'r newidiadau hyn i mewn, mae'r trefniadau presennol o dan y fframwaith DoLs yn parhau i fod ar waith

Atwrneiaeth Barhaus, y Llys Gwarchod a Phenodedigion

Os nad oes gan berson allu i wneud penderfyniadau penodol mewn perthynas â materion ariannol neu les, mae yna nifer o opsiynau i'r unigolyn hwnnw gael cefnogaeth yn y broses o wneud penderfyniadau

MAPPA

Trefniadau Amlasiantaethol ar gyfer Amddiffyn y Cyhoedd (MAPPA) yw'r broses y mae'r Heddlu, y Gwasanaeth Prawf a'r Gwasanaeth Carchardai yn ei defnyddio i gydweithio ag asiantaethau eraill i reoli'r risgiau sy'n bodoli pan fydd troseddwyr treisgar a throseddwyr rhyw yn byw yn y gymuned.

Pryderon Cynyddol

Mae pryderon cynyddol yn codi lle mae materion cronnol yn ymwneud â gweithredu, neu ansawdd y gofal a ddarperir mewn cartref gofal cofrestredig sy'n darparu gwasanaethau i oedolion

Gweithdrefnau Diogelu Cymru ar gyfer plant ac oedolion sydd mewn perygl o gamdriniaeth ac esgeulustod

Cliciwch yma i gael Gweithdrefnau Diogelu Cenedlaethol Cymru. Maent yn manylu ar y rolau a'r cyfrifoldebau hanfodol i ymarferwyr, i sicrhau eu bod yn diogelu plant ac oedolion sydd mewn perygl o gael eu cam-drin a'u hesgeuluso

Cwympiadau

Mae cwympo wedi ymddangos yn sawl un o Adolygiadau Ymarfer Oedolion Bwrdd Diogelu Gwent yn y blynyddoedd diwethaf. Yn aml, mae modd atal cwympo ac NID ydyn nhw’n rhan anochel o heneiddio

Iechyd Meddwl a Lles

Dolen i wefan Melo Bwrdd Iechyd Prifysgol Aneurin Bevan, sydd wedi'i datblygu i hyrwyddo lles meddwl pobl sy'n byw ac yn gweithio yng Ngwent.