Cam-drin rhywiol

Mae cam-drin rhywiol yn golygu gorfodi neu ddenu plentyn neu berson ifanc i gymryd rhan mewn gweithgareddau rhywiol, p'un a yw'r plentyn yn ymwybodol o'r hyn sy'n digwydd ai peidio. Gall y gweithgareddau gynnwys cyswllt corfforol, gan gynnwys gweithredoedd treiddiol neu anhreiddiol. Gallant gynnwys gweithgareddau di-gyswllt, fel gorfodi plant i edrych ar ddeunydd pornograffig, eu cynnwys wrth greu deunydd pornograffig, neu wylio gweithgareddau rhywiol, neu annog plant i ymddwyn mewn ffyrdd sy'n amhriodol yn rhywiol.

Mae Gwasanaethau'r Ganolfan Atgyfeirio Cam-drin Rhywiol (CACRh) yn rhoi cymorth i blant ac oedolion sydd wedi cael eu cam-drin yn rhywiol. Mae gwasanaethau’r Ganolfan Atgyfeirio Cam-drin Rhywiol yn gyfrinachol, ond mae gan staff ddyletswydd gyfreithiol i rannu gwybodaeth gyda'r Heddlu neu'r Gwasanaethau Cymdeithasol os ystyrir bod plentyn, person ifanc neu oedolyn mewn perygl o niwed sylweddol.

Gallwch gael gwybodaeth yma am wasanaethau CACRh yng Ngwent a rhannau eraill o Gymru.

I weld arwyddion a symptomau cam-drin rhywiol, ewch i wefan y NSPCC.

Camfanteisio'n rhywiol ar blant

Os yw unigolyn dan 18 oed yn cael ei orfodi i wneud gweithgareddau rhywiol gan un person neu fwy sydd wedi ei dargedu am ei fod yn ifanc a dibrofiad, a hynny'n fwriadol er mwyn ymarfer pŵer drostynt, gelwir hyn yn gamfanteisio'n rhywiol

Cynllun gweithredu cenedlaethol atal ac ymateb i gam-drin plant yn rhywiol

Mae'r Cynllun hwn yn nodi'r camau y bydd Llywodraeth Cymru yn eu cymryd i atal cam-drin plant yn rhywiol, i amddiffyn plant rhag cael eu cam-drin yn rhywiol, ac I gynorthwyo plant sy'n cael eu cam-drin yn rhywiol

Ymgyrch ‘atal cam-drin plant yn rhywiol - mae'n amser i ni siarad am y peth'

Prosiect atal cam-drin plant yn rhywiol yw Stop it Now! Cymru sy'n gweithio ar draws y wlad i sicrhau bod rhieni, gofalwyr a gweithwyr proffesiynol yn y safle gorau i amddiffyn plant rhag camdriniaeth rywiol ac ecsploetiaeth