Beth yw cam-drin?

Profiadau niweidiol mewn plentyndod (ACEs)

Mae Profiadau Niweidiol yn ystod Plentyndod (ACE) yn ddigwyddiadau trawmatig sy'n effeithio ar blant wrth iddynt dyfu i fyny, fel cael eu cam-drin neu fyw mewn aelwyd sy'n teimlo effaith cam-drin domestig, camddefnyddio sylweddau neu salwch meddwl

Categorïau a diffiniadau o gam-drin

Dysgwch am y 5 categori o gam-drin: ca,-drin corfforol, cam-drin emosyunol, cam-drin rhywiol, cam-drin ariannol ac esgeuluso fel y cawsant eu nodi yng Gweithdrefnau Diogelu Cymru

Camfanteisio ar blant

Mae camfanteisio ar blant yn cyfeirio at ddefnyddio plant er boddhad, mantais neu hyd yn oed elw rhywun arall ac yn aml gall arwain at driniaeth annheg, greulon a niweidiol i'r plentyn. Mae'r gweithgareddau hyn ar draul iechyd corfforol neu feddyliol, addysg, datblygiad moesol, emosiynol neu gymdeithasol y plentyn. Mae'n cynnwys sefyllfaoedd o ddefnyddio/dylanwadu, camddefnyddio, cam-drin, erledigaeth, llethu neu drin yn wael

Llinellau Sirol

Mae llinellau sirol yn fater trawsbynciol sylweddol sy'n cynnwys cyffuriau, trais, gangiau, diogelu, cam-fanteisio'n droseddol ac yn rhywiol, caethwasiaeth fodern, a phobl sydd ar goll; ac mae'r ymateb i fynd i'r afael ag ef yn cynnwys yr heddlu, yr Asiantaeth Troseddau Genedlaethol, ystod eang o adrannau'r Llywodraeth, asiantaethau llywodraeth leol a sefydliadau'r sector gwirfoddol a chymunedol

Cam-drin domestig

Ystyr cam-drin domestig yw un unigolyn yn rheoli unigolyn arall mewn perthynas bersonol neu deuluol agos; gall y gamdriniaeth fod yn gamdriniaeth rywiol, gorfforol, ariannol, emosiynol neu seicolegol

Ffugio Salwch

Mae ffugio salwch neu creu salwch (FII) yn ffurf o gam-drin sy'n anghyffredin. Mae'n digwydd pan fydd rhiant neu ofalwr, mam fiolegol y plentyn fel arfer, yn gor-ddweud neu'n achosi symptomau salwch yn fwriadol i'r plentyn

Anffurfio organau cenhedlu benywod (FGM)

Mae anffurfio organau cenhedlu benywod (FGM) yn cynnwys yr holl gamau sy'n cynnwys tynnu organau cenhedlu benywod yn rhannol neu'n gyfan gwbl, neu anaf arall i organau cenhedlu benywod am resymau anfeddygol. Mae FGM yn anghyfreithlon yn y DU

Priodasau dan orfod (FM)

Priodas dan orfod yw pan nad yw un person, neu'r ddau (neu mewn achosion o bobl ag anableddau dysgu, yn methu) yn cytuno i briodi ac o ganlyniad byddant yn cael eu rhoi dan pwysau a chael eu cam-drin. Mae priodasau dan orfod yn digwydd mewn llawer o grefyddau a chenedligrwydd ac nid yw'n effeithio ar ferched yn unig - gall bechgyn hefyd gael eu gorfodi i briodi

Magu perthynas amhriodol

Mae magu perthynas amhriodol yn digwydd pan fydd rhywun yn meithrin cysylltiad emosiynol â phlentyn i'r pwynt y bydd y plentyn yn ymddiried ynddo at ddibenion cam-drin rhywiol, camfanteisio ar blant neu fasnachu pobl

Trosedd casineb

Trosedd casineb yw trais neu elyniaeth wedi'i gyfeirio at bobl oherwydd pwy ydyn nhw neu pwy mae rhywun yn meddwl ydyn nhw - e.e. efallai eich bod wedi cael eich cam-drin ar lafar gan rywun yn y stryd oherwydd eich bod yn anabl neu am fod rhywun yn meddwl eich bod yn hoyw

Trais ar sail anrhydedd

Mae trais ar sail anrhydedd (HBV) yn drosedd neu ddigwyddiad treisgar a allai fod wedi digwydd i amddiffyn anrhydedd y teulu neu'r gymuned. Yn aml mae'n gysylltiedig ag aelodau o'r teulu neu gydnabod sy'n credu bod rhywun wedi dod â chywilydd ar eu teulu neu gymuned trwy wneud rhywbeth nad yw'n cyd-fynd â chredoau traddodiadol eu diwylliant

Caethwasiaeth fodern a masnachu pobl

Mae caethwasiaeth fodern yn drosedd ddifrifol a chreulon lle mae pobl yn cael eu trin fel nwyddau ac yn cael eu hecsbloetio er budd troseddol. Mae'n cynnwys masnachu pobl, caethwasiaeth, caethwasanaeth a llafur gorfodol. Mae cam-fanteisio'n digwydd ar sawl ffurf, gan gynnwys cam-fanteisio'n rhywiol, llafur dan orfodaeth a chaethwasanaeth domestig, a daw dioddefwyr o bob cefndir

Cam-drin proffesiynol

Mae profiad yn dangos y gall pobl ddioddef cam-drin a cham fanteisio gan y rhai sy'n gweithio gyda nhw mewn unrhyw gyd-destun. Mae'n hanfodol, pan fyddwn yn tystio neu'n amau bod rhywun mewn rôl broffesiynol neu sy'n gwirfoddoli'n ddi-dâl yn gweithredu'n amhriodol tuag at blentyn neu oedolyn, ein bod yn rhoi gwybod am hyn

Hunan-niweidio a meddwl am hunanladdiad

Hunan-niweidio yw'r enw a roddir ar unrhyw weithred fwriadol o hunan-niweidio neu ymddygiad sy'n bwriadu achosi niwed i gorff yr unigolyn ei hun. Fel arfer mae'n digwydd ar ffurf torri neu losgi, ond gall gynnwys ymddygiadau hunan-ddinistriol fel yfed gormod a cheisio hunanladdiad

Dewiniaeth a meddiannu gan ysbryd

Mae credu mewn ysbrydion a chael eich meddiannu gan ysbryd yn rhywbeth cyffredin. Nid credoau'r teulu ydynt mewn achosion o gam-drin, ond yn hytrach y sawl sy'n cam-drin yn defnyddio'r credoau hyn i gyfiawnhau pam eu bod yn cam-drin y plentyn. Mae angen i ymarferwyr feddu ar ddealltwriaeth o gredoau crefyddol ac arferion diwylliannol er mwyn helpu i ennill ymddiriedaeth y plentyn, y teulu a'r gymuned