Trais yn Erbyn Menywod

Mae Trais yn erbyn Menywod (VAW) yn disgrifio mathau o gam-drin a gweithredoedd treisgar y mae menywod yn bennaf neu'n gyfan gwbl yn dueddol o'u dioddef (gelwir hyn hefyd yn drais ar sail rhywedd).

Mae'r Cenhedloedd Unedig yn diffinio 'Trais yn erbyn Menywod' fel 'math o wahaniaethu yn erbyn menywod ac yn groes i hawliau dynol a golyga gweithredoedd o drais ar sail rhyw sy'n arwain at, neu'n debygol o arwain at niwed corfforol, rhywiol neu feddyliol neu ddioddefaint i fenywod, gan gynnwys bygythiadau o weithredoedd o'r fath, gorfodaeth neu amddifadu o ryddid yn fympwyol, boed hynny yn gyhoeddus neu mewn bywyd preifat '.

Y prif gategorïau o gam-drin dan y categori Trais yn erbyn Menywod yw:

Anffurfio Organau Cenhedlu Benywod (FGM)

Mae FGM yn anghyfreithlon yn y DU dan Ddeddf Anffurfio Organau Cenhedlu Benywod 2003

Benyw-laddiad

Yn gyffredinol, deallir bod benyw-laddiad yn cynnwys llofruddio menywod yn fwriadol oherwydd eu bod yn fenywod, ond mae diffiniadau ehangach yn cynnwys unrhyw achosion o ladd menywod neu ferched

Priodasau dan Orfod (FM)

Priodas dan orfod yw pan nad yw un person, neu'r ddau (neu mewn achosion o bobl ag anableddau dysgu yn methu) yn cytuno i briodi ac o ganlyniad byddant yn cael eu rhoi dan bwysau a chael eu cam-drin

Cam-drin yn seiliedig ar anrhydedd (HBA)

Mae cam-drin yn seiliedig ar anrhydedd (HBA) yn drosedd neu ddigwyddiad treisgar a all gael ei gyflawni i amddiffyn neu warchod anrhydedd y teulu neu'r gymuned