Cymhwyso'r Ddeddf Galluedd Meddyliol ar gyfer staff sy'n gweithio gyda phobl ifanc 16/17 oed - (10/07/2025)

Nod y cwrs hanner diwrnod hwn yw datblygu dealltwriaeth ymarferwyr sy’n gweithio gyda phlant a phobl ifanc o’r Ddeddf Galluedd Meddyliol 2005 a sut i gymhwyso'r ddeddfwriaeth i'w harferion diogelu wrth weithio gyda phobl ifanc (16 oed a hŷn). Bydd y sesiwn hefyd yn ystyried galluedd mewn perthynas â Chanllawiau Fraser a Chymhwysedd Gillick.

Bydd y sesiwn yn cynorthwyo ymarferwyr sy’n gweithio gyda phlant a phobl ifanc i ddod yn fwy ymwybodol o'r ystyriaethau risg, yr opsiynau cymorth a'r canllawiau ar gyfer arferion gorau i alluogi ymarferwyr i ymateb yn effeithiol ac yn gyfreithlon.

Cynulleidfa darged:

Bydd yn sesiwn ddilynol a fydd yn ddefnyddiol i ymarferwyr aml-asiantaeth sydd wedi mynychu hyfforddiant Grŵp B neu Grŵp C, ac nad ydyn nhw wedi mynychu hyfforddiant Deddf Galluedd Meddyliol mewn perthynas â phlant a phobl ifanc o'r blaen. Mae'r sesiwn hon yn debygol o fod yn rhy syml ar gyfer Gweithwyr Cymdeithasol cymwysedig/profiadol neu gyfwerth, fodd bynnag, gall ymarferwyr cofrestredig newydd gymhwyso weld y sesiwn hon yn fuddiol.

Deilliannau dysgu:

• Datblygu gwybodaeth am y Ddeddf Galluedd Meddyliol a sut mae hyn yn berthnasol yn ymarferol i bobl ifanc 16 ac 17 oed, gan gynnwys y 5 egwyddor, trosolwg o asesiadau galluedd sy'n benodol i'r penderfyniad a lles pennaf.
• Deall pwysigrwydd gofyn am ganiatâd, a beth sy'n cael ei ystyried wrth gynorthwyo plant a phobl ifanc.
• Trafod achosion cyfreithiol ac ymarferol i gynorthwyo gweithwyr proffesiynol i gymhwyso'r Ddeddf Galluedd Meddyliol yn briodol wrth weithio gyda phobl ifanc.
• Nodi rolau (rhieni/gofalwyr/gweithwyr proffesiynol/eiriolwyr) a sut maen nhw'n cyfrannu at broses y Ddeddf Galluedd Meddyliol.