Gweithredu goruchwyliol a gwneud penderfyniadau – Cwrs hanner diwrnod (05/11/2026)

Nod y cwrs hanner diwrnod

Bydd y cwrs hwn yn helpu cyfranogwyr i gael dealltwriaeth sylfaenol o weithredu goruchwyliol a'r anawsterau sy'n gallu codi pan fydd y sgiliau hyn yn cael eu peryglu, gan gynnwys gwneud penderfyniadau (Deddf Galluedd Meddyliol 2005) a materion diogelwch. Bydd y cwrs hanner diwrnod yn esbonio sut gall unigolyn ddweud y pethau cywir ond methu gweithredu arnyn nhw. Bydd yn ystyried rhai cyflyrau a all effeithio ar alluoedd gwneud penderfyniadau a sut orau i gynorthwyo rhywun sy'n cael ei effeithio gan gamweithrediad goruchwyliol.

Cynulleidfa Darged – Ymarferwyr sy'n gweithio gyda phobl ifanc ac oedolion.

Erbyn diwedd y sesiwn, bydd cynrychiolwyr yn gallu gwneud y canlynol:

1. Esbonio beth yw gweithrediadau goruchwyliol a sut rydyn ni'n defnyddio'r sgiliau hyn mewn bywyd pob dydd.
2. Diffinio gweithredu goruchwyliol, gan ddangos y galluoedd y mae modd eu peryglu a pha effaith y gall hyn ei chael ar allu rhywun i wneud penderfyniadau.
3. Trafod rhai cyflyrau a allai achosi problemau o ran gweithredu goruchwyliol.
4. Esbonio galluedd penderfyniadol o'i gymharu â galluedd gweithredol a gwneud cysylltiadau â Deddf Galluedd Meddyliol 2005.
5. Nodi ffactorau a all guddio analluoedd.
6. Archwilio awgrymiadau ar gyfer ymdopi â chamweithrediad gweithredol i gynorthwyo'r unigolyn.